सर्व राजकारणी अद्यतने
पुणे • निवडणूक • विकास • नेते
पुणे विमानतळावर राष्ट्रवादी काँग्रेसचे ज्येष्ठ नेते अडचणीत
रिव्हॉल्वर आणि काडतुसे घेऊन प्रवास; विमाननगर पोलिस ठाण्यात गुन्हा दाखल .
जानेवारीत महापालिका निवडणुका; नवीन वर्षाची सुरुवात राजकीय रणधुमाळीने
31 जानेवारीपर्यंत मुदतवाढ, डिसेंबरमध्ये आचारसंहिता सर्वोच्च न्यायालयाने राज्यातील रखडलेल्या महापालिका निवडणुका घेण्यासाठी 31 जानेवारी 2026 पर्यंत मुदतवाढ दिली आहे. त्यानुसार 15 डिसेंबरच्या आसपास आचारसंहिता लागू होईल आणि प्रत्यक्ष मतदानाचा कार्यक्रम 20 ते 22 जानेवारीदरम्यान होण्याची शक्यता आहे. नवीन वर्षाची सुरुवातच महापालिका निवडणुकीच्या धुरळ्याने होणार हे आता निश्चित झाले आहे.
पुणे महापालिकेत उपायुक्तांच्या मोठ्या फेरबदलाचे आदेश
आयुक्त नवल किशोर राम यांच्या आदेशानुसार विभागीय जबाबदाऱ्यांत बदल --- फेरबदलाचा निर्णय पुणे महापालिकेत उपायुक्तांच्या मोठ्या प्रमाणावर बदल्या करण्यात आल्या आहेत. महापालिकेचे आयुक्त नवल किशोर राम यांच्या आदेशानुसार शनिवारी या फेरबदलाचे आदेश काढण्यात आले. सामान्य प्रशासन विभागाचे उपायुक्त प्रसाद काटकर यांनी याबाबत अधिकृत आदेश जारी केले.
भुजबळ कुटुंबीयांची अडचण वाढली; बेनामी मालमत्तेप्रकरणी खटला पुन्हा सुरू
मुंबई : माजी उपमुख्यमंत्री आणि वरिष्ठ नेते छगन भुजबळ यांची अडचण वाढली आहे. बेनामी मालमत्ता प्रकरणात विशेष न्यायालयाने पुन्हा खटला सुरू करण्याचे आदेश दिले असून या प्रकरणाची पुढील सुनावणी ६ ऑक्टोबर रोजी होणार आहे.
मावळ तालुक्यात राष्ट्रवादी (अजित पवार गट) सक्रिय; स्थानिक स्वराज्य निवडणुकांपूर्वी संघटन बळकटीवर भर
पुणे : काही महिन्यांत होऊ घातलेल्या स्थानिक स्वराज्य संस्थांच्या निवडणुकांच्या पार्श्वभूमीवर मावळ तालुक्यातील राजकीय घडामोडींना वेग आला आहे. राष्ट्रवादी काँग्रेस पक्ष (अजित पवार गट) संघटन वाढ व बळकटीकरणावर लक्ष केंद्रीत करत असल्याचे स्पष्ट झाले आहे.
पुण्यात वाढत्या नागरी समस्यांवर शरद पवारांची चिंता; सक्षम महापालिकेची गरज अधोरेखित
पुण्यात पूर्वी ज्या जागेवर केवळ पाच लोक राहत होते, तिथे आज ३०० ते ४०० लोक राहतात. एवढ्या प्रचंड लोकसंख्येला पाणी, रस्ते, आरोग्य सुविधा मिळतात का? कायदा-सुव्यवस्थेची हमी आहे का? अशा प्रश्नांची जाणीव करून देत पुणे आणि परिसरातील गंभीर नागरी समस्यांकडे ज्येष्ठ नेते शरद पवार यांनी लक्ष वेधले. .
शरद पवारांची खास रुग्णालयात सुरेश कलमाडींना भेट, तब्येतीची विचारपूस
पुण्याचे माजी खासदार सुरेश कलमाडी यांच्यावर सध्या खासगी रुग्णालयात उपचार सुरू असून, त्यांची प्रकृती जाणून घेण्यासाठी राष्ट्रवादी काँग्रेसचे अध्यक्ष आणि माजी केंद्रीय मंत्री शरद पवार यांनी सोमवारी रुग्णालयात जाऊन त्यांची भेट घेतली.