नाना पेठेत रक्तरंजित सूड!

वनराज आंदेकरच्या हत्येच्या बदल्यात कोमकर घराण्याचा वारस आयुष कोमकर गोळ्या झाडून खून; बंडू आंदेकर टोळीवर मकोका कारवाई .

खुनाचा थरार पुण्यातील नाना पेठ पुन्हा एकदा रक्तरंजित संघर्षाने हादरली आहे. 5 सप्टेंबर 2025 रोजी गणपती विसर्जनाच्या आदल्या रात्री, फक्त 18 वर्षीय आयुष उर्फ गोविंद कोमकर (इंजिनीअरिंग विद्यार्थी) याची निर्दयीपणे हत्या करण्यात आली. आयुषवर तब्बल 11 गोळ्या झाडण्यात आल्या, त्यातील 9 गोळ्या अंगात घुसल्याने जागीच मृत्यू झाला. आयुष हा कुख्यात गणेश कोमकरचा मुलगा असून, त्याच गणेश कोमकरने आपल्या मेहुण्याचा म्हणजेच वनराज आंदेकरचा धारधार शस्त्राने खून केला होता. याच खुनाचा बदला घेण्यासाठी आंदेकर टोळीने आयुषला लक्ष्य केले. --- रक्ताची साखळी : हत्येच्या मागचा सूड गणेश कोमकर सध्या वनराज आंदेकरच्या खुनप्रकरणी शिक्षा भोगत आहे. त्याचा मुलगा आयुष हा बंडू आंदेकरांचा नातू ठरतो. वनराजच्या मृत्यूचा सूड घेण्याची शपथ बंडू आंदेकरने घेतली होती. आणि नेमके एक वर्ष उलटताच, आंदेकर टोळीने पुण्यातल्या मध्यवर्ती भागात आयुषवर गोळ्यांचा वर्षाव करून जीव घपोलिसांची धडाकेबाज कारवाई या प्रकरणानंतर पुणे पोलिसांनी वीजगतीने कारवाई केली. आंदेकर टोळीचा म्होरक्या सूर्यकांत उर्फ बंडू अण्णा आंदेकर याला अटक करण्यात आली. त्याच्यासह 13 साथीदारांविरुद्ध महाराष्ट्र संघटित गुन्हेगारी नियंत्रण कायदा (मकोका) अंतर्गत कारवाईचे आदेश पोलिस आयुक्त अमितेश कुमार यांनी दिले आहेत. फक्त एवढेच नव्हे, तर आंदेकर टोळीच्या अवैध साम्राज्यावरही पोलिस आणि महापालिकेचा हातोडा पडला. नाना पेठेतील अवैध फ्लेक्स, अतिक्रमण व बांधकामांवर संयुक्त कारवाई करून आंदेकर टोळीच्या बेकायदेशीर साम्राज्याला हादरा देण्यात आला आहे. --- आंदेकर वि. कोमकर वाद : रक्ताने भिजलेली कहाणी 🔹 वादाची सुरुवात: 1970 च्या दशकात बालकृष्ण उर्फ बाळू आंदेकर यांनी टोळीची पायाभरणी केली. नंतर सूर्यकांत उर्फ बंडू आंदेकर टोळीचा म्होरक्या झाला. 🔹 रक्तरंजित परंपरा: 1985 मध्ये खुनप्रकरणी जन्मठेपेची शिक्षा भोगल्यानंतरही बंडू आंदेकरने जेलमधून टोळी चालवली. खून, वसुली, अवैध धंदे यामुळे आंदेकर टोळी कुप्रसिद्ध झाली. ेण्याचा सूड उगवला.🔹 कोमकर कुटुंबाचा संबंध: बंडू आंदेकरांच्या दोन मुलींचे लग्न जयंत आणि गणेश कोमकर या भावंडांशी झाले. मात्र, कुटुंबीय नातेसंबंध असूनही मालमत्तेच्या वादामुळे संघर्ष पेटला. महानगरपालिकेच्या अतिक्रमण कारवाईने या वादाची ठिणगी पडली. 🔹 रक्तरंजित टप्पे: 2023 मध्ये आंदेकर टोळीने सोमनाथ गायकवाड गटाशी संघर्ष केला आणि निकील अखाडेची हत्या केली. 2024 मध्ये गणेश कोमकरने स्वतःच्या मेहुण्याचा वनराज आंदेकरचा खून केला. 2025 मध्ये वनराजच्या हत्येचा सूड घेत आयुष कोमकरची निर्दयी हत्या करण्यात आली. ---

पुणे मेट्रो लाईन ३ : ‘नारीशक्ती’च्या हातात नियंत्रण

हिंजवडी ते शिवाजीनगर मार्गावर सर्व गाड्या चालवणार महिला पायलट्स .

रोजगार व सबलीकरणाचा नवा आदर्श पुणेकरांच्या दैनंदिन प्रवासाला नवी दिशा देणारी हिंजवडी–शिवाजीनगर मेट्रो लाईन ३ लवकरच सुरू होत आहे. विशेष म्हणजे या मार्गावरील सर्व गाड्यांचे सारथ्य फक्त महिला पायलट्स करणार आहेत. ‘नारीशक्ती’च्या हातात नियंत्रण सोपवून पुणे मेट्रोने महिलांच्या सबलीकरणाचा आदर्श घालून दिला आहे. ‘पुणे आयटी सिटी मेट्रो रेल लिमिटेड’ (PITCMRL) ने घेतलेल्या या निर्णयानुसार, १०० महिला पायलट्स या मार्गावर जबाबदारी सांभाळतील. ‘केओलिस’ या आंतरराष्ट्रीय कंपनीला दहा वर्षांचा संचालन करार देण्यात आला असून, महिलांनाच ही महत्त्वाची भूमिका देण्यात आली आहे. --- कठोर प्रशिक्षणानंतर पायलट्स सज्ज निवडलेल्या १०० महिलांना तीन महिन्यांचे विशेष प्रशिक्षण देण्यात आले. यात दिवस-रात्र मिळून २०० किमी पर्यवेक्षित वाहनचालना, तांत्रिक प्रशिक्षण, तसेच सुरक्षा, आरोग्य आणि दीर्घकाळ नोकरी टिकवण्याचे मार्गदर्शन करण्यात आले. या महिला पायलट्सनी आधीच आपली क्षमता सिद्ध केली असून, माण डेपो (स्टेशन क्र. १) ते बालेवाडी स्टेडियम (स्टेशन क्र. १०) या मार्गावर चार यशस्वी चाचणी फेऱ्या पूर्ण केल्या आहेत. --- पुण्यासोबत देशासाठी आदर्श हिंजवडीच्या आयटी हबला शिवाजीनगरच्या व्यवसाजोडणारी लाईन ३ लाखो प्रवाशांसाठी जीवनवाहिनी ठरणार आहे. याबाबत PITCMRL चे मुख्य कार्यकारी अधिकारी अनिल कुमार सैनी म्हणाले – “एकेकाळी पुरुषांसाठी राखीव असलेल्या क्षेत्रांत महिलांनी पुढे यावे यासाठी हे पाऊल महत्त्वाचे आहे. आमच्या महिला पायलट्स शिस्त आणि प्रगतीचे प्रतीक आहेत. त्या पुण्यासोबतच संपूर्ण देशासाठी आदर्श ठरआहेत.”

नवरात्रीपूर्वी पुणे पोलिसांची धडाकेबाज कारवाई

एका दिवसात ४३ जणांना तुरुंगात; हिंसाचार रोखण्यासाठी कडक उपाययोजना --- गणेशोत्सवातील हत्येनंतर सतर्कता गणेशोत्सवादरम्यान झालेल्या टोळीयुद्धातून आयुष कोमकर या तरुणाची हत्या झाल्यानंतर पुणे पोलिसांच्या कार्यक्षमतेवर प्रश्नचिन्ह निर्माण झाले होते. याच पार्श्वभूमीवर नवरात्रोत्सवात कुठलाही हिंसक प्रकार घडू नये म्हणून पुणे पोलिसांनी कडक खबरदारीचे पाऊल उचलले आहे. े.

४३ जण तुरुंगात; गुन्हेगारांवर अंकुश प्रतिबंधात्मक कारवाई अंतर्गत पुणे पोलिसांनी एका दिवसातच ४३ जणांना तुरुंगात डांबले. त्यात टोळीतील सदस्य, हत्यार पुरवणारे आरोपी, दारू व्यवसायाशी संबंधित गुन्हेगार आणि कलम ३०७ अंतर्गत गुन्हे दाखल असलेले आरोपी यांचा समावेश आहे. गर्दीच्या उत्सवकाळात कायदा व सुव्यवस्था बिघडवण्याची शक्यता असलेल्यांना आधीच गजाआड करण्यात आले आहे. --- शांतता व सुव्यवस्थेसाठी कठोर पावले शहरात सध्या नवरात्रीची लगबग सुरू असून सार्वजनिक मंडळांची तयारी जोमात आहे. अशा परिस्थितीत हिंसक घटना किंवा अनुचित प्रकार टाळण्यासाठी पोलिसांनी धडाकेबाज मोहिम राबवली आहे. वरिष्ठ अधिकाऱ्यांच्या आदेशानुसार करण्यात आलेल्या या कारवाईमुळे उत्सवकाळात शांतता व सुरक्षिततेचे वातावरण राखले जाईल, अशी अपेक्षा व्यक्त केली जात आहे.

एकविरा देवी यात्रेसाठी वाहतुकीत बदल

२२ सप्टेंबर ते २ ऑक्टोबरपर्यंत अवजड वाहनांना बंदी; जिल्हाधिकाऱ्यांचा आदेश --- भाविकांच्या सुरक्षिततेसाठी वाहतूक नियोजन पुण्याच्या कार्ला येथील एकविरा देवी मंदिरात यात्रेनिमित्त मोठ्या प्रमाणावर भाविकांची गर्दी होण्याची शक्यता आहे. गर्दीच्या पार्श्वभूमीवर वाहतूक कोंडी टाळण्यासाठी आणि सुरळीत, सुरक्षित वाहतूक सुनिश्चित करण्यासाठी पुणे जिल्हाधिकारी तथा जिल्हादंडाधिकारी जितेंद्र डुडी यांनी विशेष वाहतूक बदलाचे आदेश जारी केले आहेत. --- .

ेअवजड वाहनांना नो-एंट्री २२ सप्टेंबर ते २ ऑक्टोबर २०२५ या कालावधीत कार्ला फाटा ते एकविरा देवी पायथा मंदिर या मार्गावर अवजड व मोठ्या वाहनांना प्रवेश पूर्णतः बंद राहील. २७ सप्टेंबर ते १ ऑक्टोबर २०२५ या कालावधीत सकाळी ६ ते रात्री १० या वेळेत जुना मुंबई-पुणे महामार्गावरील कुसगाव बुद्रुक टोलनाका (लोणावळा) ते वडगाव फाटा (वडगाव मावळ) या दरम्यान अवजड वाहनांना नो-एंट्री लागू राहील. --- पर्यायी मार्ग निश्चित पुण्याकडे जाणारी अवजड वाहने → लोणावळा कुसगाव बुद्रुक टोलनाका → एक्सप्रेस हायवे → उर्से टोलनाका → पुणे शहर या मार्गाने वळविण्यात येतील. मुंबईकडे जाणारी अवजड वाहने → वडगाव तळेगाव फाटा → उर्से खिंड → एक्सप्रेस हायवे → मुंबई या मार्गाने वळवली जातील. --- उत्सव काळात सुरळीत व्यवस्था मोटार वाहन कायदा १९८८ चे कलम ११५ आणि शासनाच्या अधिसूचनेनुसार हे आदेश लागू करण्यात आले आहेत. जिल्हाधिकाऱ्यांच्या या निर्णयामुळे यात्रेच्या काळात वाहतूक कोंडी टळून भाविकांचा प्रवास सुरक्षित आणि सुरळीत होईल, अशी अपेक्षा आहे.

पुणे विमानतळावर ड्रग्जचा मोठा सापळा

सव्वा ५ किलो मेथाकॅलोन जप्त; आंतरराष्ट्रीय बाजारातील किंमत २.६१ कोटी --- आंतरराष्ट्रीय तस्करीवर आघात पुणे आंतरराष्ट्रीय विमानतळावर एअर इंटेलिजन्स युनिटने मोठी कारवाई करत सव्वा ५ किलो मेथाकॅलोन जप्त केला आहे. जप्त झालेल्या या अमली पदार्थांची आंतरराष्ट्रीय बाजारातील किंमत अंदाजे २ कोटी ६१ लाख रुपये इतकी आहे. हा पदार्थ ‘मॅथा केलॉन’ नावाच्या प्रकारात येतो आणि परदेशातून पुण्यामध्ये आणला जात होता. .

कारवाईची पार्श्वभूमी इंटेलिजन्स पथकाला गुप्त माहिती मिळाल्यानंतर १८ सप्टेंबर २०२५ रोजी बँकॉकहून येणाऱ्या एअर इंडिया एक्सप्रेस फ्लाइट IX-241 वरून येणाऱ्या प्रवाशाची बॅग तपासण्यात आली. तपासणी दरम्यान प्रवाशाच्या चेक-इन बॅगमध्ये पावडर आणि क्रिस्टल स्वरूपात ५ किलो २३४ ग्रॅम वजनाचा पांढरा पदार्थ सापडला. फील्ड टेस्टिंगमध्ये हा पदार्थ मेथाकॅलोन असल्याचे निश्चित झाले. --- अटक आणि कायदेशीर कारवाई जप्त झालेल्या पदार्थानंतर प्रवाशाला अटक करण्यात आली असून त्याची कसून चौकशी सुरू आहे. याबाबतची कारवाई नार्कोटिक ड्रग्ज अँड सायकोट्रॉपिक सबस्टन्स (NDPS) कायदा, १९८५ अंतर्गत करण्यात आली आहे. पुणे विमानतळावरील ही कारवाई अमली पदार्थांच्या आंतरराष्ट्रीय तस्करीच्या विरोधातील मोहिमेत महत्त्वाचा टप्पा मानली जात आहे. तपास यंत्रणा आता या तस्करीच्या नेटवर्कवर अधिक सक्रिय झाल्या आहेत.

पुण्याची हरितदूत काळाच्या पडद्याआड

पुण्याच्या शिक्षण आणि पर्यावरण क्षेत्रातील एक थोर व्यक्तिमत्त्व, ज्येष्ठ वनस्पतीशास्त्रज्ञ डॉ. हेमा साने (वय ८५) यांचे निधन झाले आहे. ‘विजेविना जीवन जगणाऱ्या आजी’ म्हणून प्रसिद्ध असलेल्या डॉ. साने यांनी आपले संपूर्ण आयुष्य निसर्गाशी एकरूप होत जगण्यात घालवले. त्यांच्या निधनाने शैक्षणिक आणि पर्यावरणीय क्षेत्रात मोठी पोकळी निर्माण झाली आहे.

डॉ. हेमा साने यांनी घरात कधीही विजेचे कनेक्शन घेतले नव्हते. आधुनिक सोयीसुविधा – टीव्ही, फ्रीज, वीज – यांना त्यांनी कधीही आपल्याजवळ स्थान दिले नाही. दिवसाचा प्रकाश आणि रात्री कंदिलाचा उजेड यांत त्यांनी आपले लेखनकार्य अखंड सुरू ठेवले. त्यांच्या लेखणीतून वनस्पतीशास्त्रावरील तब्बल ३० हून अधिक ग्रंथांची निर्मिती झाली, जे आज विद्यार्थ्यांसाठी आणि संशोधकांसाठी मार्गदर्शक ठरले आहेत. पुण्यातील आबासाहेब गरवारे महाविद्यालयात त्या वनस्पतीशास्त्र विभागप्रमुख म्हणून कार्यरत होत्या. एम.एस्सी. आणि पीएच.डी. ही शैक्षणिक पदवी संपादन करून त्यांनी अनेक विद्यार्थ्यांना संशोधनाची प्रेरणा दिली. पर्यावरण संवर्धन आणि निसर्ग जपण्याच्या त्यांच्या प्रयत्नांची दखल विविध प्रतिष्ठित संस्थांनी घेतली असून त्यांना अनेक पुरस्कारांनी गौरविण्यात आले होते. शहराच्या मध्यवर्ती शीतलादेवी पार परिसरात, जोगेश्वरी मंदिराशेजारील एका जुन्या वाड्यात त्यांचे वास्तव्य होते. साधेपणाने, काटकसरीने आणि निसर्गनिष्ठ जीवन जगणाऱ्या डॉ. हेमा साने यांचे व्यक्तिमत्त्व अनेक पिढ्यांसाठी प्रेरणादायी ठरले आहे. त्यांच्या जाण्याने पुण्याने केवळ एक प्राध्यापिका किंवा वैज्ञानिक गमावलेली नाही, तर निसर्गाशी नाळ जोडून राहणाऱ्या एका ‘हरितदूत’ला कायमचा निरोप दिला आहे. 🌿

पुण्यात वाढत्या गुन्ह्यांवर पोलिसांची कडक नजर

पुण्यातील झपाट्याने वाढणारी लोकसंख्या आणि स्थलांतरितांचा ओघ यामुळे शहरातील कायदा-सुव्यवस्था पोलिसांसाठी मोठे आव्हान ठरत आहे. विशेषतः उपनगरांमध्ये चोऱ्या, घरफोड्या आणि रस्त्यावरचे गुन्हे (‘स्ट्रीट क्राइम’) झपाट्याने वाढत असल्याने नागरिकांमध्ये भीतीचे वातावरण निर्माण झाले आहे.

वाहनांची तोडफोड, किरकोळ वादांवरून गुंडगिरी, टोळक्यांकडून कोयत्यांचा वापर, तसेच ज्येष्ठ महिलांच्या सोनसाखळ्या हिसकावण्याच्या घटना सातत्याने घडत आहेत. याशिवाय चोरीसाठी वापरल्या जाणाऱ्या वाहनांचा वापर गुन्हेगारांकडून वाढला आहे. या पार्श्वभूमीवर पोलिस आयुक्त अमितेश कुमार यांनी शहरातील टोळीयुद्ध, घरफोडी आणि वाढत्या ‘स्ट्रीट क्राइम’ला आळा घालण्यासाठी कठोर उपाययोजना सुरू केल्या आहेत. गुन्हेगारांच्या मुसक्या आवळण्यासाठी पोलिसांनी काटेकोर वाहन तपासणी आणि कोम्बिंग ऑपरेशन प्रभावीपणे राबविण्याचा निर्णय घेतला आहे. या विशेष मोहिमेत गुन्हे शाखेसह वाहतूक विभाग, राज्य राखीव पोलिस दल आणि पोलिस मुख्यालयातील विशेष पथकांचा सक्रिय सहभाग राहणार आहे. याद्वारे संशयितांची तपासणी, चोरीच्या वाहनांवर लक्ष ठेवणे, गुन्हेगारांची माहिती संकलित करणे आणि टोळक्यांच्या हालचालींवर नियंत्रण आणणे हे उद्दिष्ट ठेवण्यात आले आहे. पुण्यातील वाढत्या गुन्हेगारी पार्श्वभूमीवर पोलिसांची ही कारवाई नागरिकांसाठी दिलासा देणारी ठरणार असून, आगामी काळात गुन्हेगारीवर नियंत्रण आणण्याच्या दृष्टीने हा उपक्रम महत्त्वपूर्ण मानला जात आहे.

पुण्यात ढगफुटीसदृश्य पाऊस, रस्ते जलमय – पुढील ४८ तास यलो अलर्ट

पुणे | प्रतिनिधी गुरुवारी (दि. १८) दुपारनंतर पुणे शहर आणि उपनगरात विजांचा कडकडाट, ढगांचा गडगडाट करीत मुसळधार पावसाने जनजीवन विस्कळीत केले. दीड ते दोन तास झालेल्या धो-धो पावसाने कोथरूड, औंध, पाषाण, वारजे, बाणेर, धायरी, कात्रज, कळस आणि धानोरी परिसर अक्षरशः जलमय झाला.

औंध-पाषाण भागात अवघ्या दीड तासात तब्बल ८३ मिमी पावसाची नोंद झाली. धायरी, औंध, कोथरूड आणि बाणेर येथील रस्त्यांना नद्यांचे स्वरूप आले होते. बाणेर रस्त्यावर पाणी साचल्याने वाहतूक काही काळ बंद ठेवावी लागली, परिणामी प्रचंड कोंडी झाली. सकाळी ढगाळ वातावरण आणि हलक्या सरींचा अंदाज असतानाच दुपारी दीड नंतर सिंहगड रस्ता, कात्रज, धायरी, नांदेड फाटा, हांडेवाडी येथे पावसाच्या जोरदार सरी सुरू झाल्या. त्यानंतर शहराच्या मध्यवर्ती भागासह उपनगरात मुसळधार पाऊस सुरू झाला. काही ठिकाणी पावसाने ढगफुटीचे स्वरूप घेतले. क्षेत्रनिहाय पावसाची नोंद (मिमी): औंध-बाणेर – ८३, कळस-धानोरी – ५५, पुणे महापालिका – ४०, कसबा – २४, खडकवासला – २१, वारजे-कर्वेनगर आणि स्मार्ट सिटी ऑफिस – २०, नगर रोड – १९, भवानी पेठ – १६, ढोले-पाटील रोड – १५, कोथरूड – १०, वानवडी – ७, हडपसर-मुंढवा – ६, कोंढवा – ४, बिबवेवाडी – २. पाषाण-औंध परिसरात सर्वाधिक पावसाची नोंद झाली असून, धायरी परिसरात नागरिकांना गुडघाभर पाण्यातून दुचाकी नेण्याची वेळ आली. बावधन, औंध, पाषाण आणि धायरी परिसरात ढगफुटीसदृश्य परिस्थिती निर्माण झाली होती. पाण्याचा निचरा नसल्याने रस्त्यांवरून पाण्याचे पाट वाहत होते. खडकवासला धरणातून पुन्हा विसर्ग गुरुवारी संध्याकाळी मुसळधार पावसामुळे धरणात जलप्रवेश वाढल्याने रात्री ८ वाजता धरणातून मुठा नदीत पुन्हा १२६३ क्यूसेक पाण्याचा विसर्ग सुरू करण्यात आला. पावसाचे प्रमाण वाढल्यास विसर्गही वाढविण्यात येईल, अशी माहिती पाटबंधारे विभागाकडून देण्यात आली. यलो अलर्ट पुणे वेधशाळेने शहर आणि उपनगरासाठी पुढील ४८ तासांसाठी यलो अलर्ट जाहीर केला असून १९ आणि २० सप्टेंबर रोजी मेघगर्जना, वादळी वाऱ्यासह पावसाचा इशारा दिला आहे.

लोणी काळभोर पोलिसांची धडक कारवाई – पाच अट्टल गुन्हेगार दोन वर्षांसाठी तडीपार

पुणे | प्रतिनिधी हातभट्टीची दारु विक्री, बेकायदेशीर हत्यार जवळ बाळगणे, जबरी चोरी, खुनाचा प्रयत्न, धमकावणे आणि परिसरात दहशत निर्माण करणाऱ्या पाच सराईत गुन्हेगारांना लोणी काळभोर पोलिसांनी दोन वर्षांसाठी पुणे शहर, पिंपरी चिंचवड व पुणे ग्रामीण जिल्ह्याच्या हद्दीतून तडीपार केले आहे. या कारवाईची माहिती परिमंडळ-५ चे पोलीस उपायुक्त डॉ. राजकुमार शिंदे यांनी दिली.

तडीपार गुन्हेगारांची नावे: जाफर शाजमान इराणी (वय ४३) मजलुम हाजी सय्यद (वय ४८) शब्बीर जावेद जाफरी (वय ३८) शाजमान हाजी इराणी (वय ६२) – सर्व रा. इराणी गल्ली, पठारे वस्ती, कदमवाक वस्ती, पुणे सागर संदीप गुडेकर (वय २४), रा. इंदिरानगर, कदमवाक वस्ती, ता. हवेली, जि. पुणे गुन्हेगारी पार्श्वभूमी टोळी प्रमुख जाफर इराणी आणि त्याचे तीन साथीदार लोणी काळभोर पोलीस ठाण्याच्या हद्दीत अट्टल गुन्हेगार म्हणून कुप्रसिद्ध आहेत. त्यांच्यावर फसवणूक, चोरी, मारहाण, धमकावणे, जबरी चोरी, खुनाचा प्रयत्न, बेकायदेशीर हत्यार बाळगणे असे एकूण १२ गंभीर गुन्हे दाखल आहेत. तर सागर गुडेकरवर जबरी चोरी, हातभट्टीची दारु विक्री, जिवे मारण्याचा प्रयत्न, बेकायदेशीर हत्यार बाळगणे असे ४ गुन्हे नोंद आहेत. हे गुन्हेगार परिसरात दहशत पसरवून नागरिकांना त्रास देत होते. त्यामुळे वरिष्ठ पोलीस निरीक्षक राजेंद्र पन्हाळे यांनी त्यांच्यावर तडीपार करण्याचा प्रस्ताव मांडला होता. महाराष्ट्र पोलीस अधिनियम १९५१ चे कलम ५५ नुसार त्यांना दोन वर्षांसाठी हद्दपार करण्यात आले आहे. कारवाईचे तपशील जानेवारी २०२५ पासून परिमंडळ-५ अंतर्गत एकूण १३७ सराईत गुन्हेगारांवर कारवाई करण्यात आली आहे. त्यात – २० गुन्हेगारांवर एमपीडीए अंतर्गत कारवाई ११ मोका प्रकरणांत ७६ गुन्हेगारांना जेरबंद ४१ गुन्हेगारांना तडीपार सदर कारवाईत सहभाग: लोणी काळभोर पोलीस ठाण्याचे वरिष्ठ निरीक्षक राजेंद्र पन्हाळे, गुन्हे शाखेच्या निरीक्षक स्मिता पाटील, उपनिरीक्षक उदय काळभोर, तसेच पोलीस हवालदार तेज भोसले, सुनील नागलोत, दीपक सोनवणे, प्रशांत नरसाळे, योगिता भोसुरे आदींचा सहभाग होता.

वाहतूककोंडीवर उपाययोजना करण्याचे आयुक्तांचे आदेश

पुण्यातील वाहतूककोंडीमुळे नागरिकांचे हाल होत असल्याने महापालिका आयुक्त नवलकिशोर राम यांनी शहरातील प्रमुख ३२ रस्ते आणि २२ चौकांमधील वाहतूककोंडीची कारणे शोधून सोमवार (दि. २२) पर्यंत अहवाल सादर करण्याचे आदेश दिले आहेत.

शहरातील रस्त्यांवरील खड्डे, पॅचवर्क, हातगाडी-पथारी अतिक्रमणे, पादचारी मार्गावरील अडथळे आणि अनधिकृत बांधकामे ही वाहतूककोंडीची मुख्य कारणे ठरत आहेत. या समस्यांवर तात्पुरती कारवाई केली जाते, मात्र कायमस्वरूपी उपाय अद्याप नाहीत. सध्या पुण्यात १० किमी अंतर कापण्यासाठी सरासरी ३३ मिनिटे लागतात, त्यामुळे पुणे वाहतूककोंडीमध्ये जगात चौथ्या क्रमांकावर आहे.

आंतरराष्ट्रीय सायकल स्पर्धेची तयारी

जानेवारीत होणाऱ्या जागतिक सायकल स्पर्धेसाठी मार्गावरील रस्त्यांचे डांबरीकरण व सुशोभीकरणावर १४५ कोटी रुपयांचा खर्च होणार आहे. मात्र, त्याचसोबत शहरातील इतर रस्त्यांची दुरुस्ती करण्याची गरज असल्याची भावना व्यक्त होत आहे.

जानेवारीत होणाऱ्या जागतिक सायकल स्पर्धेसाठी मार्गावरील रस्त्यांचे डांबरीकरण व सुशोभीकरणावर १४५ कोटी रुपयांचा खर्च होणार आहे. मात्र, त्याचसोबत शहरातील इतर रस्त्यांची दुरुस्ती करण्याची गरज असल्याची भावना व्यक्त होत आहे.

अतिक्रमणांवर कारवाई तीव्र

महापालिका प्रशासनाने शहरातील अतिक्रमण व अनधिकृत बांधकामांवर कारवाईचा मोर्चा उघडला आहे. भर पावसात गुरुवारी औंध-बाणेर व धनकवडी-सहकारनगर क्षेत्रीय कार्यालयांतर्गत मोठी मोहीम राबवण्यात आली. तसेच ढोले-पाटील, कोथरूड-बावधन, वारजे-कर्वेनगर, कोंढवा-येवलेवाडी आणि बिबवेवाडी परिसरात गेल्या दोन दिवसांत अतिक्रमणे व बांधकामे पाडण्यात आली.

औंध-बाणेर हद्दीत भारतरत्न डॉ. बाबासाहेब आंबेडकर चौक ते खडकी रेल्वे स्टेशन (दुतर्फा) आणि डॉ. आंबेडकर चौक ते भाऊ पाटील रस्ता हॅरिस ब्रीजपर्यंत अनधिकृत व्यावसायिकांवर कारवाई झाली. आयुक्तांनी विभागांना कारवाई अधिक तीव्र करण्याचे आदेश दिले आहेत.

लोककला केंद्रांमध्ये डीजे आणि अश्लील नृत्यामुळे कलावंतांची बदनामी

महाराष्ट्रात जवळपास ८० लोककला केंद्रे कार्यरत आहेत. मात्र, त्यापैकी निम्म्या केंद्रांमध्ये पारंपरिक वाद्यांऐवजी डीजेच्या वापरातून अश्लील नृत्याला प्रोत्साहन दिले जात आहे, तसेच काही ठिकाणी विविध गैरप्रकारही सुरू असल्याचे उघड झाले आहे.

यामुळे खऱ्या लोककलावंतांची प्रतिमा मलिन होत असून, त्यांच्यावर उपासमारीची वेळ आली आहे. पारंपरिक कला जोपासणाऱ्या कलावंतांचे अस्तित्व धोक्यात येऊ नये म्हणून या गैरप्रकारांवर तात्काळ बंदी घालावी, अशी मागणी अखिल महाराष्ट्र लोकनाट्य सांस्कृतिक कलाकार संघटना व अखिल महाराष्ट्र तमाशा थिएटर मालक असोसिएशन यांनी पत्रकार परिषदेत केली. “मिनी डान्स बार”कडे वाटचाल? काही लोककला केंद्रे छुप्या पद्धतीने ‘मिनी डान्स बार’चे स्वरूप धारण करू लागली आहेत. पारंपरिक नृत्यकलेच्या आडून चालणाऱ्या या व्यावसायिक प्रवृत्तीमुळे महाराष्ट्रातील अस्सल लोककलांची घसरगुंडी सुरू झाली आहे. पत्रकार परिषदेत मांडलेले मत पत्रकार परिषदेला महाराष्ट्र तमाशा थिएटर्सचे अध्यक्ष डॉ. अशोक जाधव, महाराष्ट्र तमाशा कलावंत संघटनेचे अध्यक्ष चंद्रकांत लाखे, लावणी सम्राज्ञी रेश्मा परितेकर, तसेच सुरेखा पवार उपस्थित होत्या. यावेळी बोलताना चंद्रकांत लाखे म्हणाले : > “राज्यात संगीतबारीची जी कलाकेंद्रे आहेत, त्या केंद्रांत पारंपरिक वाद्यांचा वापर करून नृत्यकला सादर केली जाते. अनेक पिढ्यांनी या कलेचे संवर्धन केले आहे. भातू कोल्हाटी, कोल्हाटी आणि कळवात या समाजघटकांनी लावणी ही पारंपरिक कला जोपासली. मात्र, काही दिवसांपासून सांस्कृतिक केंद्रांमध्ये गैरप्रकार वाढू लागल्याने सर्वच कलाकेंद्रांची बदनामी होत आहे.” पारंपरिक कलेची जोपासना धोक्यात लावणी, तमाशा, संगीतबारी यांसारख्या पारंपरिक कलांना महाराष्ट्राच्या सांस्कृतिक वारशात मोठे स्थान आहे. मात्र, डीजे संस्कृती, अश्लील सादरीकरणे आणि व्यावसायिक स्पर्धेमुळे या कलांचा मूळ आत्माच हरवत चालला आहे. यामुळे खऱ्या लोककलावंतांचे रोजगार आणि सांस्कृतिक प्रतिष्ठा धोक्यात आली आहे. संघटनांची मागणी लोककलेच्या नावाखाली होणाऱ्या गैरप्रकारांवर तातडीने नियंत्रण आणण्यासाठी शासनाने पुढाकार घ्यावा, अशी संघटनांची ठाम भूमिका आहे. पारंपरिक लोककलांचे संरक्षण आणि खऱ्या कलावंतांना न्याय मिळवून देणे ही वेळेची गरज असल्याचे मत या परिषदेत मांडण्यात आले.

राष्ट्रीय लोकअदालतीत महावितरणची १,०५७ प्रकरणे निकाली; २ कोटी १८ लाखांची वसुली

महावितरणकडून थकबाकीदार ग्राहकांकडून वीजबिल वसुलीसाठी राबविण्यात आलेल्या राष्ट्रीय लोकअदालतीत १,०५७ प्रकरणे निकाली काढण्यात आली. या प्रकरणांमधून तब्बल २ कोटी १८ लाख रुपयांची वसुली झाली आहे.

महावितरण नियमित वसुलीबरोबरच कायमस्वरूपी बंद असलेल्या आणि थकबाकीमुळे वीजपुरवठा खंडित केलेल्या ग्राहकांकडून देणी वसूल करण्यासाठी वेळोवेळी विशेष मोहिमा राबवत असते. मात्र, या मोहिमेतूनही ज्या प्रकरणांत वसुली शक्य होत नाही, ती प्रकरणे लोकअदालतीमध्ये सादर केली जातात. पुणे परिमंडलातील गणेशखिंड, रास्ता पेठ आणि पुणे ग्रामीण या तीन मंडलांमधील एकूण ५१ हजार ३१७ थकबाकीदार ग्राहकांची प्रकरणे राष्ट्रीय लोकअदालतीपुढे ठेवण्यात आली होती. या संदर्भात सर्व वादींना नोटिसा बजावण्यात आल्या होत्या. याशिवाय, वीजचोरीशी संबंधित ८३ प्रकरणे देखील लोकअदालतीसमोर ठेवण्यात आली. महावितरणने दिलेल्या माहितीनुसार, लोकअदालतीमुळे प्रलंबित प्रकरणे सोडविण्यासाठी आणि थकबाकीदारांकडून थेट वसुली करण्यासाठी प्रभावी मार्ग उपलब्ध झाला आहे.